| Uit " onvertaalde teleks " deur ANTJIE KROG [boodskap #65324] |
Ma, 05 Augustus 2002 14:21 |
|
|
Oorspronklik gepos deur: @rogers.com
Uit "onvertaalde teleks"
Antjie Krog
die bolandse herfs word nou eers myne
met die winterreëns wat dae al oor die dakke skif
en snags slaap ek weer alleen
die kraanvoëlblom blits druppels in die tuinhoek rond
vaal vogtige veertjies tussen die dooie kannas in
nog babalaas van die jaar se dop
roes plek-plek ranonkelrooi
die wingerde in die reën
die nat stamme trek bakkoppie onder oulaas blare in
en snags slaap ek weer alleen
langs die uitgeswelde rame groei voetkombersies
en mossige oulappe teen die eike
ons mymer saam oor die legkaart van blare
my oë het skielik vat gekry
met herfsklawer bottend in die kaal boorde
met gladde vel kieliekaal reën aan wit koejawels
alles behoort nou
en die herfs word skielik myne
- net soms nog die helder gil van lemoene tussen
droefgroen blare.....
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
